Гамлет

АдыгабзэкIэ зэзыдзэкIыгъэр Емыжэ МулиIэт

 (пычыгъуэ)

СэукIа, сэмыукIа? – джары упчIэр.

Жъалымэу къыбдэпсэурэм сыд епшIэщт?

КъыуишIэрэм уезэгъэу ущысыщта?

Упэуцуны зафэу утекIощта?

Е улIэмэ нахьышIуа? – УигухэкIи,

Уиузи, бзаджи зэкIэ пщыгъупшэщтых.

Ар тхъагъоба, узгъэгумэкIрэр зэкIэ

ЛIэныгъэ чъыем пщигъэгъупшэжьыщтых!

Опсэуфэ угу ихъыкIыгъэр зэкIэ

УзылIэкIэ зэужэу мэкIодыжьа?

Е ащи гумэкIыгъо горэ щыIа?

Хьадрыхэ чъыем хэта шIуа пкIыхьапIэ?

Ащ щыIэр тшIэрэп, ары мы дунаим

Къин щытэлъэгъуми, къинэу тызфытетыр.

Арары мыхъумэ, хэта зыщыIэщтыр,

Уагъэпыутэу, къыожъалымэкIхэу,

Къыптыралъхьэу пцIыхэр, гупсэхэр аукIхэу!

А пстэуми яIэташъхьэр – ощ нахь делэм

Уигъэпыутэу къыбдэхьащхмэ ары.

А зэкIэ пщыIэу ущыIэны нахьи

Зы къэмэ огъукIэ пстэури зэшIопхыщт.

Хьадрыхэ щыIэм тыщэрэмыщыни!

Хэт зыщыIэщтыр мыщ фэдизы къиныр.

Ащ кIуагъэу зи къэзгъэзэжьыгъэ щыIэп,

ТымышIэрэм тыпэгъокIыны нахьи,

Мыщ щыIэ къиным тыкъерэуцуалI,-

Джар тэIошъ, гоу тетшIыхьэрэр тIэпэзы,

Хъулъфыгъэ плъышъо ттетми, тыкъэрабгъ.

Джар икIодыкI гукъэкIэу пкIэшхо зиIэм

Ар тетлъхьэу-тетхызэ тэпшъышъ тIэпэзэжьы.

Икъун къэсIуагъэр – ащ щысыухын!

Офелия! Сыгу игушIуагъор оры!

Тхьэ узщелъэIурэм, сэри къысфелъэIу.