Пшавелэ Важэ

Пшавелэ  Важэ

ЗэзыдзэкIар Къармэ Iэсиятщ

Адыгэ гъащIэм щыщ теплъэгъуэхэр

(пычыгъуэ)

Ирехьэхри пшапэм и напIащхьэр,

Жьыуэпс щIыIэр къуршхэмкIэ къыдокI,

Щыгъуэ теплъэу иджы къурш дыгъащхьэм

Джанэ фIыцIэу жэщыр зрешэкI.

Фэбжьи, губжьи, гуауи, гузэвэгъуи

ЩыIэкъым и набдзэ щIыхэлъэт –

Къару лъэщу уафэр зи Iэпэгъум

Къыхуигъэфэщащ Iыхьэ гъейрэт:

Яхуэмыус лIыгъэр зи жьэгу жьанэу

Къурш къещхьэукъуэххэр я куэщI-анэу

ЛIыхъужь дапщэ къыдэкIа уи бжэIу…

ЩIыхь нэмыжыIэсым и фIэлIыкIым,

Фэбжь гъэвыжыгъуейхэм я Iулыджым

КъапекIуэкIыу хэт къыптегушхуэн?!

Хэт хурзалэ бгъэм зрипщытын?..